Sobre min
Son Melva Lage Castro, Psicóloga Especialista en Psicoloxía Clínica e Neuropsicóloga Clinica. Estou colexiada no Colexio Oficial de Psicoloxía de Galicia con número de colexiada G-5488.
Dende sempre sentín un profundo interese polo comportamento humano, os procesos de pensamento e o funcionamento do cerebro, o que me levou a estudar a carreira de Psicoloxía. Dende o inicio, enfoquei a miña formación na especialización en Psicoloxía Clínica e Neuropsicoloxía. Para isto, realicei o meu período de formación como Psicóloga Residente no ámbito hospitalario na Sanidade Pública. Como Psicóloga Clínica, teño experiencia na avaliación, diagnóstico, tratamento e rehabilitación dos trastornos mentais e trastornos neuropsicolóxicos. Continuei actualizándome todos estes anos mediante a realización de cursos e a asistencia a seminarios e congresos. A formación resulta esencial na nosa profesión.
EXPERIENCIA E FORMACIÓN:
- Facultativo Especialista en Psicoloxía Clínica - Hospital Universitario Lucus Augusti - HULA (Lugo) - SERGAS (Novembro-Decembro 2021).
- Facultativo Especialista en Psicoloxía Clínica - Complexo Hospitalario Universitario de Ourense - SERGAS (Maio-Setembro 2021).
- Psicóloga Especialista en Psicoloxía Clínica vía P.I.R. - Complexo Hospitalario Universitario de Pontevedra - SERGAS (2014-2018).
- Máster Universitario Oficial en Neuropsicoloxía.
- Licenciatura en Psicoloxía.
- Diplomatura en Maxisterio.
- Formación e práctica clínica en Avaliación Neuropsicolóxica (2014-2018) - Complexo Hospitalario Universitario de Pontevedra - SERGAS.
- Investigadora colaboradora Cohort of Patients with Parkinson's disease in Spain (Proxecto COPPADIS).
- Colaboración en publicacións científicas.
- Experiencia como Psicóloga Clínica con pacientes con Trastorno Mental Grave.
- Realización e presentación de sesións clínicas.
- Máis de 600 horas acreditadas en cursos de formación.
A formación constante e a dedicación son a base para ser mellor psicólogo cada día